COPAE

El Copae: Conseyu pa la producción agraria del Principáu d’Asturies, ye’l muerganu de control y promoción de la producción ecolóxica n’Asturies. Anguaño, esta Corporación de Drechu Públicu, aconceya a más de 450 productores, 122 empreses envasadores, tresformadores y de distribución; más de 170 puntos de venta y restoranes en toa Asturies. Xuntu a la «eurofueya» qu’identifica a tola producción ecolóxica europea; el sellu del COPAE ye la única garantía de que tas consumiendo auténticos alimentos ecolóxicos asturianos. Mércalos… Porque son lo +.

Toes y toos  sabemos que la producción agroalimentaria asturiana ye tradicionalmente de gran calidá. Pero solo la producción agroalimentaria ecolóxica apurre una riestra de garanties específiques como tala, al tar certificada y auditada dafechu pol COPAE. Por eso ye perimportante que busques el sellu del COPAE a la hora de mercar los tos alimentos ecolóxicos asturianos; porque ésa ye la garantía de que vas a tar esfrutando d’alimentos más sanos y seguros, más llimpios, más xustos, y por qué non dicilo… tamién más ricos; porque ye que los alimentos ecolóxicos asturianos… Son lo +.

Descubri por qué los Alimentos Ecolóxicos Asturianos certificaos pol COPAE son más sanos. 

Descubri por qué los Alimentos Ecolóxicos Asturianos certificaos pol COPAE son más llimpios. 

Descubri por qué los Alimentos Ecolóxicos Asturianos certificaos pol COPAE son más xustos.

Descubri por qué los Alimentos Ecolóxicos Asturianos certificaos pol COPAE son más ricos.

ECO-TASTY

Enxertamos nesta seición una riestra de videu-recetes nel formatu #tasty que decidimos bautizar como #ecotasty. Recetes fáciles y de visionáu dinámicu pa qu’espardas pente los tos collacios/es per aciu de les tos RRSS